ماعمرني نسا واحد المداومة ليلية ديالي بمستعجلات المستشفى الاقليمي بتمارة كطبيب داخلي مع واحد الطبيب مخضرم في الستينات من عمره لا داعي لذكر اسمه لي اعتبره قدوة و خلاني نعيد النظر فشحال من حاجة و قراني بلا مايحس درس من دروس الحياة..
الساعة الثالثة صباحا ، دخلت سيارة اسعاف ديال الوقاية المدنية ، من الدخلة ديالها عرفت الحالة غير عادية ... شاب في الثلاثينات و فتاة اكاد اجزم ان لا تتجاوز 18 من عمرها .. ضحايا حادثة سير خطيرة جراء انقلاب سيارتهما في الطريق السيار ، ، دخلناهم لغرفة الفحص بسرعة، وعلى ما يبدو انهم كانوا عائدين من امسية حمراء ، رائحة الخمر الكريهة عمت ارجاء الغرفة ممزوجة برائحة الدماء المتدفقة فوق جلدهم المليء بالوشوم ، اكوام من المخدرات وًحبوب الهلوسة .. الله يهدي ماخلق داكشي تايبقا حريات شخصية و ماتايهمناش داكشي قد لي كايهمنا نعتقوا المريض فداك اللحظة ، انا بديت بالفتاة لي كانت فايقة وقمنا بما يجب القيام به رفقة بعض الممرضين من بعد اتضح ان حالة الشابة مستقرة و ارسلناها من اجل فحص بالاشعة لي معرفة حجم الضرر الدي حل بساقيها و دراعيها .. الطبيب الكبير تكلف بالشاب ، التفت فإذا بي تانشوف الطبيب تايقوم بعملية الانعاش القلبي ( massage cardiaque ) ، فديك اللحظة تانشوف الطبيب فواحد المنظر مابغاش يتنسالي حتال دابا ، الطبيب فوق المريض و كلو دمايات و تايقطر بالعرق ، يصرخ هنا و هنا ، واحد المجهود غير اعتيادي لم الحظه من قبل ، يضخ حقنات الادرينالين من هنا و يحاول ايقاف النزيف من هناك، بذلته البيضاء احمرت بكاملها .. ولكن قدر الله وما شاء فعل .. توفي المريض جراء نزيفه الداخلي الحاد بعد قرابة الساعة من محاولات الانعاش والانقاذ ..
الطبيب خرج و انا كملت بعد الحالات غير المستعجلة لي كاتجي المستعجلات .. و خرجت نشم بعض الهواء فإذا بي تانشوف الطبيب فواحد القنت بوحدو .. قربت حداه قلت ليه بغيت نسولك ا الطبيب و سمحليا ولكن قبيلة شفتك خدام بواحد الطاقة زايدة و واحد الجهد زايد على المألوف .. دار عندي والله العظيم وجهو باقي كانشوف فيه دابا ، شاف فيا بعينيه مغرغرين و قاليا .. مابغيتش نخليه يطلع يتلاقا بالله و هو فديك الحالة.. كنت باغي نعطيه فرصة باش يصحح راسو .. 😔
الله يعطينا حسن الخاتمة ..
داك الجملة كادور ليا فراسي ليومنا هاذا .. تانوجه من هاد المنبر تحية خاصة لاطباء و ممرضي المستشفى الاقليمي بتمارة ولكل الاطباء الشرفاء و تانقولهم شكرا على كل شيء .. وان شاء الله سنكون خير خلف لكم.
'دكتور أيوب انحاريت'
الساعة الثالثة صباحا ، دخلت سيارة اسعاف ديال الوقاية المدنية ، من الدخلة ديالها عرفت الحالة غير عادية ... شاب في الثلاثينات و فتاة اكاد اجزم ان لا تتجاوز 18 من عمرها .. ضحايا حادثة سير خطيرة جراء انقلاب سيارتهما في الطريق السيار ، ، دخلناهم لغرفة الفحص بسرعة، وعلى ما يبدو انهم كانوا عائدين من امسية حمراء ، رائحة الخمر الكريهة عمت ارجاء الغرفة ممزوجة برائحة الدماء المتدفقة فوق جلدهم المليء بالوشوم ، اكوام من المخدرات وًحبوب الهلوسة .. الله يهدي ماخلق داكشي تايبقا حريات شخصية و ماتايهمناش داكشي قد لي كايهمنا نعتقوا المريض فداك اللحظة ، انا بديت بالفتاة لي كانت فايقة وقمنا بما يجب القيام به رفقة بعض الممرضين من بعد اتضح ان حالة الشابة مستقرة و ارسلناها من اجل فحص بالاشعة لي معرفة حجم الضرر الدي حل بساقيها و دراعيها .. الطبيب الكبير تكلف بالشاب ، التفت فإذا بي تانشوف الطبيب تايقوم بعملية الانعاش القلبي ( massage cardiaque ) ، فديك اللحظة تانشوف الطبيب فواحد المنظر مابغاش يتنسالي حتال دابا ، الطبيب فوق المريض و كلو دمايات و تايقطر بالعرق ، يصرخ هنا و هنا ، واحد المجهود غير اعتيادي لم الحظه من قبل ، يضخ حقنات الادرينالين من هنا و يحاول ايقاف النزيف من هناك، بذلته البيضاء احمرت بكاملها .. ولكن قدر الله وما شاء فعل .. توفي المريض جراء نزيفه الداخلي الحاد بعد قرابة الساعة من محاولات الانعاش والانقاذ ..
الطبيب خرج و انا كملت بعد الحالات غير المستعجلة لي كاتجي المستعجلات .. و خرجت نشم بعض الهواء فإذا بي تانشوف الطبيب فواحد القنت بوحدو .. قربت حداه قلت ليه بغيت نسولك ا الطبيب و سمحليا ولكن قبيلة شفتك خدام بواحد الطاقة زايدة و واحد الجهد زايد على المألوف .. دار عندي والله العظيم وجهو باقي كانشوف فيه دابا ، شاف فيا بعينيه مغرغرين و قاليا .. مابغيتش نخليه يطلع يتلاقا بالله و هو فديك الحالة.. كنت باغي نعطيه فرصة باش يصحح راسو .. 😔
الله يعطينا حسن الخاتمة ..
داك الجملة كادور ليا فراسي ليومنا هاذا .. تانوجه من هاد المنبر تحية خاصة لاطباء و ممرضي المستشفى الاقليمي بتمارة ولكل الاطباء الشرفاء و تانقولهم شكرا على كل شيء .. وان شاء الله سنكون خير خلف لكم.
'دكتور أيوب انحاريت'
أضف تعليقك على الموضوع